آئندہ ماہ سے شروع ہونے والی 3 ٹی ٹوئنٹی اور 3 ون ڈے میچوں پر مشتمل سیریز کے لیے انگلینڈ اسکواڈ کا اعلان کردیا گیا۔
سیریز کے لیے این مورگن کو کپتان برقرار رکھا گیا ہے جب کہ ٹیسٹ کپتان جوروٹ ٹی ٹوئنٹی اسکواڈ میں شامل نہیں البتہ انہیں ون ڈے اسکواڈ میں شامل کیا جا سکتا ہے۔
JUST IN: England have announced squads for their upcoming white-ball series against Australia ?
The two teams will play three T20Is and three ODIs next month.#ENGvAUS pic.twitter.com/fv8kPMFp9o
— ICC (@ICC) August 31, 2020
والد کی ناساز طبیعت کے باعث پاکستان کے خلاف ٹیسٹ سیریز ادھوری چھوڑ کر نیوزی لینڈ جانے والے بین اسٹوکس بھی آسٹریلیا کے خلاف ایکشن میں نظر نہیں آئیں گے۔
اوپنر جیسن روئے جو کہ پاکستان کے خلاف ٹی ٹوئنٹی سیریز نہیں کھیل سکے وہ بھی اسکواڈ کا حصہ نہیں ہیں تاہم امکان ہے کہ انہیں ون ڈے سیریز میں موقع دیا جائے گا۔
دوسری جانب آسٹریلیا نے اگلے ماہ دورہ انگلینڈ کا اعلان کرتے ہوئے 21 رکنی اسکواڈ کا انتخاب کر لیا ہے۔ایرون فنچ کی کپتانی میں آسٹریلوی ٹیم 4 ستمبر سے محدود اوورز کی سیریز کا آغاز کرے گی۔
آسٹریلیو ٹیم 3 ٹی ٹوئنٹی اور 3 ون ڈے میچز کھیلے گی، خراب کارکردگی کے باعث ٹیم سے باہر ہونے والے میکسویل کی ٹیم میں واپسی ہوئی ہے۔
