قومی کرکٹ ٹیم کے فاسٹ بولر شاہنواز دھانی اکثر اپنی دلچسپ ویڈیوز اور تصاویر کے ذریعے مداحوں کی توجہ حاصل کرنے میں کامیاب ہوتے ہیں لیکن ایسا نہیں ہوا۔
اس مرتبہ شاہنواز دھانی نے خود نہیں بلکہ قومی ٹیم کے فاسٹ بولر حسن علی نے ان کی ایک دلچسپ ویڈیو سوشل میڈیا پر شیئر کی ہے۔
حسن علی نے ایک تقریب میں شاہنواز دھانی کی گانا گانے کی ویڈیو شیئر کرتے ہوئے لکھا کہ نیا گلوکار۔
ویڈیو کے شیئر ہوتے ہی مداحوں نے اس پر دلچسپ تبصرے شروع کردیے۔
New Singer ? in the house @ShahnawazDahani pic.twitter.com/DCHuyr5lBq
— Hassan Ali ?? (@RealHa55an) August 2, 2023
کئی صارفین نے شاہنواز دھانی کی گلوکاری پر ناراضگی کا اظہار کرتے ہوئے لکھا کہ مائیک لے لو ان سے برائے مہربانی۔
اس ویڈیو سے متعلق ایک شخص نے لکھا کہ وائیڈ بال جبکہ ایک صارف نے شاہنواز دھانی کی حوصلہ افزائی کرتے ہوئے لکھا کہ اچھی کوشش ہے پر توجہ کرکٹ پر ہی رکھیں۔
