وفاقی دارالحکومت اسلام آباد میں موجود راول ڈیم میں زہریلے کیمیکل سے ہزاروں آبی حیات مار دیے گئے، 2 افراد کو گرفتار کرلیا گیا۔
راول ڈیم میں زہریلے کیمیکل سے آبی حیات مارنے والے 2 مشتبہ افراد کو گرفتار کر لیا گیا۔ ذرائع کا کہنا ہے کہ مچھلیاں مرنے کے بعد مارکیٹ میں فروخت کی جانی تھیں۔
راول ڈیم واقعے کا مقدمہ تھانہ سیکریٹریٹ میں درج کر لیا گیا۔ راول ڈیم میں کرنٹ اور گرنیڈ کے ذریعے مچھلیوں کو مارنے کے پہلے بھی واقعات ہو چکے ہیں۔
ہم نیوز کے مطابق گزشتہ کئی سے نامعلوم افراد کی جانب سے ڈیم کے پانی کو زہر آلود کر کے مچھلیوں کو مارا جاتا ہے۔ یہ بھی ذہن میں رہے کہ راول ڈیم سے راولپنڈی کے 40 لاکھ سے زائد شہریوں کو پینے کا پانی فراہم کیا جاتا ہے۔
