پاکستان اورنیوزی لینڈ کے درمیان پانچ میچوں پرمشتمل ایک روزہ سیریز کا پنڈی کرکٹ اسٹیڈیم میں آغازہوگیا، پاکستان نے نیوزی لینڈ کیخلاف ٹاس جیت کر پہلے فیلڈنگ کا فیصلہ کرلیا ہے۔
۔پاکستان ٹیم میں فخر زمان، امام الحق، بابراعظم، شان مسعود، محمد رضوان شامل ہیں۔
آغا سلمان، شاداب خان، محمد نواز، شاہین آفریدی، نسیم شاہ اور حارث رؤف بھی ٹیم کا حصہ ہیں۔
راولپنڈی میں ٹاس کے موقع پر کپتان بابر اعظم نے کہا کہ وکٹ دوسری اننگز میں بہتر رہے گی، ہدف حاصل کرنے کی کوشش کریں گے۔
نیوزی لینڈ کے کپتان ٹام لیتھم نے کہا کہ ٹی ٹوئنٹی کا آخری میچ جیتنے کے بعد ٹیم کا مورال بڑھا، ہم بھی ٹاس جیت کر بولنگ ہی کرتے
میچ کے دوران بارش کی پیش گوئی بھی کی گئی ہے۔ گزشتہ روز ٹرافی کی رونمائی کی گئی جبکہ دونوں ٹیموں کے اسٹیڈیم میں پریکٹس سیشن کے دوران تیز بارش ہوئی جس کے باعث سیشن شیڈول ٹائم سے پہلے ختم کردیا گیا۔
اس سے قبل ہونے والی ٹی ٹوئنٹی انٹرنیشنل سیریز میں نیوزی لینڈ نے دو صفر کے خسارے میں جانے کے بعد سیریز دو، دو سے برابر کی تھی۔
