نیوزی لینڈ کرکٹ ٹیم کے کپتان ٹم ساؤتھی نے کہا ہے کہ پاکستان کو ہوم گراؤنڈ پر شکست دینا آسان نہیں ہوگا۔
کراچی میں پریس کانفرنس کرتے ہوئے ٹم ساؤتھی نے کہا کہ برصغیر کی کنڈیشن مختلف ہوتی ہیں، پلان بنایا ہے اچھی کرکٹ ہوگی، یہاں آکر کھیلنا ہمیشہ چیلنج ہوتا ہے۔
ٹم ساؤتھی نے کہا کہ انگلینڈ کے خلاف مشکل سیریز کے بعد پاکستان کم بیک کی کوشش کرے گا۔
یہ بھی پڑھیں: بورڈ میں تبدیلیوں سے پروفیشنل کھلاڑیوں پر فرق نہیں پڑتا: بابر اعظم
کیوی کپتان نے کہا کہ انگلینڈ نے یہاں زبردست کرکٹ کھیلی تھی، یہاں کی کنڈیشنز میں اسپن کے ساتھ فاسٹ بولنگ کو بھی مدد ملے گیم ابھی فائنل الیون کا فیصلہ نہیں کیا، صبح کنڈیشن دیکھ کر فیصلہ کریں گے۔
یاد رہے کہ پاکستان اور نیوزی لینڈ کے درمیان سیریز کا پہلا ٹیسٹ کل سے کراچی میں شروع ہو گا اور دونوں ٹیموں کے درمیان 2 ٹیسٹ اور 3 ون ڈے میچز کھیلے جائیں گے۔
