ویسٹ انڈیز کے بیٹر شمرون ہٹمائر نے ٹی ٹوئنٹی ورلڈ کپ کے لیے آسٹریلیا جانے والی ری شیڈولڈ فلائٹ مس کردی جس کے بعد وہ ورلڈکپ سے باہر ہوگئے۔
کرکٹ ویسٹ انڈیز کے مطابق شمرون ہٹمائر کی جگہ شامر بروکس کو اسکواڈ میں شامل کر لیا گیا ہے اور اس فیصلے سے انٹرنیشنل کرکٹ کونسل (آئی سی سی) کو بھی آگاہ کر دیا گیا ہے۔
کرکٹ ویسٹ انڈیز نے تفصیلات بتاتے ہوئے کہا کہ فیملی وجوہات کی وجہ سے شمرون ہٹمائر کی درخواست پر یکم اکتوبر کی فلائٹ کو ری شیڈول کیا گیا تھا اور یہ فلائٹ حاصل کرنا ایک چیلنج رہا۔
غیرملکی میڈیا کے مطابق شیمرون ہیٹمائر کی جگہ اب 34 سالہ شمالہ بروکس کو اسکواڈ میں شامل کرلیا گیا ہے۔
واضح رہے کہ ویسٹ انڈیز کرکٹ ٹیم کے اسکواڈ میں شامل دیگر کھلاڑی ٹی ٹوئنٹی ورلڈ کپ کے لئے آسٹریلیا روانہ ہوچکے ہیں۔
