ایچ بی ایل پی ایس ایل سیون کے آج کے میچ میں پشاور زلمی کے کپتان وہاب ریاض نے ٹاس جیت کر پہلے بیٹنگ کا فیصلہ کیا اور پوری ٹیم مقررہ 20 اوورز میں 7 وکٹوں کے نقصان پر 158 رنز بنا سکی اور حریف کو ایک سو اُن سَٹھ اسکور کا ٹارگٹ دیا۔
پشاور زلمی اننگز
پشاور زلمی کا آغاز اچھا نہ رہا کیوں کہ محمد حارث صرف 6 رنز پر پویلین لوٹ گئے، بعد ازاں حضرت اللہ زازئی اور کامران اکمل مل کر ٹیم کا سہارا بنے لیکن پھر زازئی، محمد حفیظ کی بال پر کیچ دے بیٹھے، کامران اکمل بھی فواد احمد کی بال پر آؤٹ ہوگئے۔ حیدر علی نے 25 اور شعیب ملک نے 32 رنز کی اننگز کھیلی۔
حسین طلعت اور حالد عثمان بالترتیب 17، 19 رنز بنا کر ناقابل شکست رہے اور سات وکٹوں کے نقصان پر مقررہ 20 اوورز پورے ہوگئے۔
ایچ بی ایل پی ایس ایل سیون کے کراچی کے بعد بقیہ میچز لاہور قذافی اسٹیڈیم میں کھیلے جارہے ہیں، میگا ایونٹ کے پہلے مرحلے کا آج آخری میچ ہے جس کے بعد پلے آف راؤنڈ شروع ہوگا۔
پشاور زلمی، لاہور قلندرز، اسلام آباد یونائیٹڈ اور ملتان سلطانز کی ٹیم پلے آف مرحلے میں جگہ بنا چکی ہے۔ کراچی کنگز بدترین کارکردگی کے باعث پی ایس ایل 7 میں اپنا سفر جاری نہ رکھ سکی۔
اسی طرح کوئٹہ گلیڈی ایٹرز کا بھی میگا ایونٹ میں آگے بڑھنے کا خواب پورا نہ ہوا۔
لاہور قلندرز اسکواڈ
شاہین آفریدی(کپتان)، فخر زمان، فل سالٹ، کامران غلام، محمد حفیظ، ہیری بروک، سہیل اختر، ڈیوڈ ویئس، فواد احمد، حارث رؤف، زمان خان
پشاور زلمی اسکواڈ
وہاب ریاض(کپتان)، حضرت اللہ زازئی، کامران اکمل، محمد حارث، شعیب ملک، حیدر علی، حسنین طلعت، خالد عثمان، عماد بٹ، عمر اکمل، ارشد اقبال
