ملتان سلطانز نے لاہور قلندرز کے خلاف ٹاس جیت کر پہلے بولنگ کا فیصلہ کیا ہے
لاہور کے قذافی اسٹیڈیم میں کھیلے جانے والے میچ میں ملتان سلطانز کے کپتان محمد رضوان نے ٹاس جیت کر شاہین آفریدی الیون کو پہلے بیٹنگ کی دعوت دی ہے۔
سلطانز کی ٹیم وننگ اسکواڈ کے ساتھ ہی میدان میں اترے گی جبکہ قلندرز نے بھی کوئی تبدیلی نہیں کی ہے۔
واضح رہے کہ ملتان سلطانز کی ٹیم نے گزشتہ روز زلمی کو42 رنز سے شکست دے کر پلے آف کے لیے کوالیفائی کرلیا ہے، سلطانز مسلسل چھ میچز جیت کر پوائنٹس ٹیبل پر سرفہرست ہے۔
پوائنٹس ٹیبل کی بات کی جائے تو ملتان سلطانز مسلسل 6 کامیابیاں حاصل کرنے کے بعد ٹاپ پوزیشن پر براجمان ہے جبکہ لاہور 5 میچز میں سے 3 میں فتح سمیٹ کے تیسرے نمبر پر موجود ہے۔
