قومی ٹیم کے سابق ہیڈ کوچ مکی آرتھر نے قومی ٹیسٹ ٹیم کے اوپنر شان مسعود کے لیے اہم پیغام شیئر کردیا۔
تفصیلات کے مطابق قومی ٹیسٹ ٹیم کے اوپنر شان مسعود نے ڈربی شائر کاؤنٹی سے معاہدہ کرلیا، وہ اگلے سیزن میں ڈربی شائر کی نمائندگی کریں گے۔
ڈربی شائر انتظامیہ کا کہنا ہے کہ شان مسعود نے سیزن 2022 کے لیے تمام فارمیٹ میں بطور اوورسیز پلیئر کاؤنٹی کو جوائن کیا ہے۔
ومی ٹیم کے سابق کوچ مکی آرتھر نے بھی ڈربی شائر سے معاہدہ کرنے پر شان مسعود کو مبارک باد دی۔
مکی آرتھر نے شان مسعود کو مخاطب کرتے ہوئے لکھا کہ ’ڈربی شائر میں آپ کا خیرمقدم کرتے ہیں، یہ سفر آپ کے لیے اچھا ثابت ہوگا۔
واضح رہے کہ 32 سالہ شان مسعود نے 25 ٹیسٹ میں قومی ٹیم کی نمائندگی کی، انہوں نے ٹیسٹ کیریئر میں 4 سنچریاں اور 6 چھ نصف سنچریاں اسکور کیں، 2020 میں شان مسعود نے انگلینڈ کے خلاف 156 رنز کی اننگز کھیلی تھی۔
شان مسعود نے فرسٹ کلاس کیریئر میں 300 میچز کھیلے ہیں اور 31 سنچریاں اسکور کی ہیں، ان کی بیٹنگ اوسط 57.46 ہے۔
شان مسعود نے 2019 میں پاکستان سپر لیگ (پی ایس ایل) میں ملتان سلطانز کی نمائندگی کی تھی۔
