ٹی ٹونٹی ولڈکپ نیوزی لینڈ کے خلاف میچ میں زبردست بیٹنگ کرنے والے آصف علی کا کہنا ہے کہ جب گیند لگی تو سوچ لیا تھا کہ میچ جیت کے ہی جانا ہے۔ پاکستان کرکٹ بورڈ نے نیوزی لینڈ کے خلاف شاندار چھکوں سے فتح دلانے والے قومی کرکٹر آصف علی کا ویڈیو پیغام سوشل میڈیا ویب سائٹ ٹوئٹر پر…
Last night’s star performer with the bat @AasifAli2018 reviews his innings and the guidance he received from @realshoaibmalik
#WeHaveWeWill #T20WorldCup pic.twitter.com/ya6UfFOAqd— Pakistan Cricket (@TheRealPCB) October 27, 2021
آئی سی سی مینز ٹی ٹوئنٹی ورلڈ کپ میں نیوزی لینڈ کے خلاف شاندار کارکردگی دکھانے والے قومی بلے باز آصف علی کا کہنا ہے کہ کل جب مجھے گیند لگی تو میں نے سوچا کہ یہ میچ جیت کے ہی جانا ہے۔
انہوں نے کہا ہے کہ گراونڈ میں یہ سوچ کے گیا تھا کہ یہ میچ جتنا ہے۔کل جب میں گراونڈ میں اترا تو شعیب ملک نے حوصلہ بڑھایا۔ شعیب بھائی نے کہا کہ آج تمہارا دن ہے جو دل کرتا ہے وہ کرو۔شعیب ملک کے ساتھ پریکٹس میچ میں بہت کچھ سیکھا تھا۔
قومی کرکٹر آصف علی نے کہا ہے کہ تمام اوورز دیکھ کے کھیل کے میدان میں اترا تھا۔ بیک فُٹ پر جو چھکا مارا وہ بہت مشکل تھا۔
خیال رہے کہ گزشتہ روز نیوزی لینڈ کے خلاف میچ میں آخری اوورز میں آصف علی کے 3 چھکوں اور شعیب ملک کی ذمہ دارانہ بیٹنگ کی بدولت پاکستان نے 135 رنز کا ہدف 19 ویں اوور میں 5 وکٹوں کے نقصان پر حاصل کرلیا تھا۔
