قومی کرکٹ ٹیم کے سابق کپتان شاہد آفریدی نے اسرائیلی دہشتگردی کا شکار غزہ کے معصوم بچوں کے ساتھ اظہار یکجہتی کرتے ہوئے ایک خوبصورت نظم تحریر کی ہے۔
شاہد آفریدی نے گزشتہ شب یہ نظم دو تصاویر کے ساتھ اپنے ٹوئٹر اکاؤنٹ پر شیئر کی۔
ایک تصویر میں وہ اپنی بیٹی کے ہمراہ موجود ہیں اور دونوں نے فلسطین کا پرچم اٹھا رکھا ہے جب کہ دوسری تصویر میں بھی لالا کے ساتھ ان کی بیٹی موجود ہے۔
شاہد آفریدی نے ٹوئٹ میں فلسطین کے بچوں کو مخاطب کرتے ہوئے لکھا یہ پیغام ارض فلسطین کے بچو تمہارے لیے ہے۔
یہ پیغام ارض فلسطین کے بچو تمہارے لئے ہے
یہاں دور بہت دور ہیں ہم،
مگر یہ دل ہمارے دھڑکتے ہیں تمہارے ساتھ،
اسی طرح جس طرح سے ہمارے آبا اور ان کے آبا کے دل،
تمہارے اجداد کے ساتھ دھڑکتے تھے
دکھ، اندیشہ، خوف اور فکر کی تمام گرہیں عارضی ہیں
غم کی تمام راہیں عارضی ہیں!#آزاد_فلسطین_ہو pic.twitter.com/9b3FZfCbyK— Shahid Afridi (@SAfridiOfficial) May 19, 2021
‘یہاں دور بہت دور ہیں ہم،
مگر یہ دل ہمارے دھڑکتے ہیں تمہارے ساتھ،
اسی طرح جس طرح سے ہمارے آبا اور ان کے آبا کے دل،
تمہارے اجداد کے ساتھ دھڑکتے تھے
دکھ، اندیشہ، خوف اور فکر کی تمام گرہیں عارضی ہیں
غم کی تمام راہیں عارضی ہیں!’
شاہد آفریدی کی اس ٹوئٹ پر چند ہی گھنٹوں میں ہزاروں لائیکس آچکے ہیں جب کہ کئی صارفین نے اسے اپنی پروفائل سمیت دیگر سوشل میڈیا اکاؤنٹس پر شیئر بھی کیا ہے۔
