پرائیویٹ سکولز ایسوسی ایشن کے عہدیدار فضل اللہ داؤد زئی نے کہا کہ 15 ستمبر کو تعلیمی ادارے کھولنے کے حکومتی اعلان پر تحفظات ہیں، شاپنگ مالز، پبلک ٹرانسپورٹ تک کھل گئے ہیں، تو پھر تعلیمی ادارے کیوں بند ہیں؟
میڈیا رپورٹس کے مطابق خیبرپختونخواہ کی پرائیویٹ سکولز ریگولیٹری اتھارٹی کے عہدیدار فضل اللہ داؤد زئی نے کہا کہ حکومت کی جانب سے 15 ستمبر تک تعلیمی ادارے کھولنے کے اعلان پر تحفظات ہیں۔ ملک میں شاپنگ مالز، پبلک ٹرانسپورٹ تک کھل گئے ہیں، تو پھر تعلیمی ادارے کیوں بند ہیں؟
جے یوآئی ف کے رہنماء مولانا حسین احمد نے کہا کہ وفاق المدارس والے بھی بہت جلد ادارے کھول دیں گے۔
دوسری جانب اسلام آباد ہائیکورٹ نے پرائیوٹ اسکول کھولنے کی درخواست مسترد کر دی۔ درخواست گزار کی جانب سے کہا گیا تھا کہ 15 اگست سے اسکول کھولنے کی اجازت دی جائے۔ جس پر چیف جسٹس اطہر من اللہ کی جناب سے ریمارکس دیئے کہ عدالت انتظامی فیصلوں میں مداخلت نہیں کرتی، اسکول کھولنے کے معاملے پر حکومت یا متعلقہ اداروں سے رابطہ کیا جائے۔
وزیراعظم عمران خان نے بھی گزشتہ روز خطاب میں کہا تھا کہ کورونا صورتحال بہتر رہی تو تعلیمی ادارے کھولنے پر غور کریں گے۔ عید اور محرم کے نتائج دیکھ کر تمام سیکٹرز شادی ہالز، ریسٹورانٹ ،سیاحت، اسکول اور تعلیمی ادارے کھولنے پر نظرثانی کریں گے۔ ان تمام سیکٹرز کو ایس اوپیز کے تحت کھولیں گے۔ انہوں نے کہا کہ اگر ہماری عید اور محرم کامیابی سے گزرگئے تو ہم باقی سیکٹرز بھی کھول دیں گے۔
شادی ہالز، ریسٹورانٹ ،سیاحت کو کھول دیں گے۔دوسری جانب وزیراعظم عمران خان نے کہا ہے کہ کورونا صورتحال بہتر ہوتے ہی تمام کاروبار کھول دیں گے، عوام ماسک کا استعمال کریں، عید اور محرم پر بہت زیادہ احتیاط کی ضرورت ہے، اپیل ہے کہ آن لائن قربانیوں کو ترجیح دی جائے۔ میڈیا رپورٹس کے مطابق وزیراعظم عمران خان کی زیرصدارت وفاقی کابینہ کا اجلاس ہوا، جس میں کورونا صورتحال، سیاسی اور معاشی صورتحال کا جائزہ لیا گیا۔
وفاقی کابینہ نے 10 لاکھ ٹن گندم درآمد کرنے کی منظوری دے دی۔ عمران خان نے کہا کہ عوام کو گندم اور چینی کی فراہمی ہرحال میں یقینی بنائی جائے۔
صوبائی حکومتیں مافیا کیخلاف کریک ڈاؤن کریں۔ چینی اور گندم بحران برداشت نہیں کیا جائے گا۔ وزیراعظم کی زیرصدارت وفاقی کابینہ کا اجلاس پٹرول بحران کی تحقیقات کیلئے کمیشن قائم کرنے کی منظوری دی گئی۔
پٹرولیم بحران پر انکوائری کمیشن کے سربراہ اور ارکان کی تقرری جلد ہوگی۔
پی آئی اے کے چارٹر لائسنس اور ایریل ورک کی تجدید کی منظوری دی گئی ہے۔ اسی طرح کابینہ اجلاس میں وزیر اعظم کو کورونا وائرس کی صورتحال پر بھی بریفنگ دی گئی اور اس دوران ارکان کو کورونا سے متعلق ایس او پیز پر سختی سے عملدرآمد کروانے کی ہدایت کی۔
انہوں نے کہا کہ عیدالاضحیٰ اور محرم الحرام میں کورونا وائرس پھیلنے کا خدشہ ہے، عید اور محرم پر بہت زیادہ احتیاط کی ضرورت ہے۔
عوام ماسک کا استعمال کریں۔ اپیل ہے کہ آن لائن قربانیوں کو ترجیح دی جائے۔
مزید برآں وزیراعظم عمران خان نے ٹائیگر فورس کے رضاکاروں کے لئے خصوصی پیغام میں کہا کہ ہم نے اپنی نسلوں کے بہتر مستقبل کے لئے کام کرنا ہوگا۔
انہوں نے کہا کہ ٹائیگر فورس ڈے 9 اگست کو منایا جائے گا جس کی میں خود قیادت کروں گا۔ 9 اگست یادگار دن ہو گا ۔ انہوں نے کہا کہ میرے ساتھ اراکین قومی اسمبلی، سینیٹ اور دیگر لوگ شامل ہیں۔
ٹائیگر فورس شجر کاری مہم میں حصہ لے گی۔ ہر شخص کو شجر کاری مہم میں حصہ لینا ہو گا۔ انہوں نے کہا کہ عالمی حدت سے بچنے کے لئے ہمیں کام کرنا ہو گا۔ انہوں نے کہا کہہم ایک دن میں ریکارڈ درخت لگائیں گے جو افراد اس مہم کا حصہ بننا چاہتے ہیں ۔وہ وزیراعظم پورٹل میں اپنی رجسٹریشن کرائیں ۔ رضاکاروں کو پودوں کی فراہمی سمیت دیگر امور پر مکمل آگاہی فراہم کی جائے گی۔
