طیارے کے تمام مسافر اور عملہ اُڑان کے لیے تیار تھے کہ رن وے پر ریچھ کو دیکھ کر پائلٹ حیران رہ گیا۔
مسافر کی جانب سے شیئر کی گئی وڈیو میں ریچھ کے بچے کو کارگو ہولڈ میں مخصوص کریٹ سے باہر گھومتے دیکھا جا سکتا ہے۔ ویڈیو وائرل ہونے کے بعد مسافروں کی سلامتی سے متعلق سوالات اٹھاتے ہوئے سوشل میڈیا پر شدید ردعمل کااظہارکیا گیا۔ وزیراعظم محمد شیاع سودانی نے وزارت ٹرانسپورٹ کو واقعے کی تحقیقات کا حکم دیا ہے۔
بڑے جتن کے بعد ریچھ کو پکڑکر دوبارہ بے ہوش کرکے طیارے میں سوارکروایا گیا تھا۔
اس کارروائی میں بہت وقت لگ گیا اور پرواز کافی تاخیر سے روانہ ہوئی جس پر مسافر مشتعل ہوگئے اور عملے سے جھگڑنے لگے اور غفلت کے مرتکب افراد کے خلاف کارروائی کا مطالبہ کیا۔ عراقی ایئر ویز نے کہا ہے ریچھ کے فرار کے ذمہ دار وہ نہیں ہیں۔
عراقی ایئرویز کے مطابق ریچھ کی نقل و حمل کا طریقہ کار قانون کے مطابق اور بین الاقوامی ایئر ٹرانسپورٹ ایسوسی ایشن کے منظور کردہ طریقہ کار اور معیارات کے مطابق انجام دیا گیا۔
تاہم غلطی دبئی ائر پورٹ اسٹاف کی ہے جس نے ریچھ کو ٹھیک طریقے سے بیہوش نہیں کیا۔
