چینی وزیر خارجہ چن گینگ کو عہدے سے ہٹا دیا گیا

چین کے سرکاری میڈیا کے مطابق چین کے وزیر خارجہ چن گینگ کی سبکدوشی کی کوئی وجہ نہیں بتائی گئی اور نہ ہی یہ اطلاع دی گئی کی وہ اس وقت کہاں ہیں۔

یاد رہے کہ چن گینگ کو آخری بار 25 جون کو دیکھا گیا تھا اس کے بعد سے وہ منظر عام سے غائب ہیں۔

عالمی میڈیا رپورٹس کے مطابق چن گینگ کو گزشتہ برس دسمبر میں بھی مقرر کیا گیا تھا لیکن 7 ماہ بعد وہ منظر عام سے غائب ہوگئے اور ان کے اہل خانہ کو بھی اس بارے میں کوئی معلومات نہیں۔

رپورٹس کے مطابق چین کے نئے وزیر خارجہ وانگ ای ہوں حکمراں جماعت کے فارن افیئرز چیف اور صدر شی جنپنگ کے قریبی ساتھی ہیں۔

چینی میڈیا کے مطابق چین کے اعلیٰ ترین قانون ساز ادارے نے بھی وانگ ای کی بطور وزیر خارجہ تقرری کی کلیئرنس دیدی۔ وانگ ای اس سے قبل بھی 2013 سے 2022 تک وزیر خارجہ کی ذمہ داریاں سنبھال چکے ہیں۔