مناسک حج کے دوران منیٰ کی عارضی خیمہ بستی میں8ذوالحجہ کا پورا دن قیام کے دوران پانچوں وقت کی نمازیں ادا کر کے دنیا بھر کے25 لاکھ سے زائد حجاج کرام لبیک اللھم لبیک کی صدائیں بلند کرتے حج کے رکن اعظم وقوف عرفہ کیلئے میدان عرفات میں جمع ہو گئے ہیں۔
حجاج کرام دن بھر ذکراذکارکریں گے اور اپنی و امت مسلمہ کی بخشش کیلئے خصوصی دعائیں کریں گے۔ سورج غروب ہوتے ہی حاجی مزدلفہ چلے جائیں گے جہاں مغرب اور عشا کی نمازیں یکجا کرکے قصر پڑھیں گے۔
فيديو | استمرار تفويج ضيوف الرحمن إلى #مشعر_عرفات #بسلام_آمنين | #يوم_عرفة#يوم_التروية | #الإخبارية pic.twitter.com/BPxSYthk67
— قناة الإخبارية (@alekhbariyatv) June 27, 2023
حجاج رات کھلے آسمان تلے گزاریں گے۔ یہاں سے ہی شیطانوں کو مارنے کیلئے کنکریاں جمع کریں گے،10 ذوالحجہ کو صبح نماز فجر کی ادائیگی کے بعد واپس منی چلے جائیں گے جہاں سے رمی (شیطان کو کنکریاں مارنے) کیلئے جمرات جائیں گے۔
قربانی کے بعد حاجی احرام اتار دیں گے اور خانہ کعبہ جا کرطواف زیارۃ کریں گے اور واپس منی جا کر ایام تشریق گزاریں گے۔
