اسرائیلی طیاروں کی غزہ کی پٹی پر بمباری کے نتیجے میں 12 فلسطینی شہید ہوگئے۔
عرب میڈیا رپورٹس کے مطابق اسرائیلی فضائیہ نے غزہ شہر، رفاح اور خان یونس پر بمباری کی، حملے کے بعد ایک عمارت میں آگ بھی لگ گئی، اسرائیل نے علاقے میں فلسطینی مزاحمتی تنظیم کے اہداف کو نشانہ بنانے کا دعویٰ کیا۔
اسرائیلی حملے میں مزاحمتی تنظیم کے 3 سینیئر ترین کمانڈر سمیت 12 فلسطینی شہید ہوئے۔
غیر ملکی میڈیا رپورٹس کے مطابق اسرائیلی فوج نے غزہ کی سرحدی کراسنگ بھی بند کر دی۔
دوسری جانب فلسطین کی جانب سے جوابی حملےکے خطرے کے پیشِ نظر جنوبی اسرائیل میں خصوصی حالت نافذ ہوگئی، اسرائیل کے جنوبی علاقے میں لوگوں کو بم شیلٹرز میں رہنے کا مشورہ دیا گیا ہے۔
