چیئرمین پیپلزپارٹی نے کہا کہ عوام بڑی تعداد میں باہر نکل کر اپنے ووٹ کے حق کو استعمال کریں اور بلدیاتی نمائندوں کو منتخب کریں۔ بلاول بھٹو نے یہ بھی کہا کہ عمران خان خدمت کی بجائے اپنے ذاتی مفادات کی سوچ رہے ہیں۔
بلاول بھٹو کا مزید کہنا تھا کہ پیپلزپارٹی ایم کیو ایم سے رابطے میں ہے، چاہتے ہیں کل سب اپنے لوگوں کو نکالیں، جو بھی الیکشن میں کامیاب ہوا پیپلزپارٹی ملکر کام کرے گی، چاہتے ہیں کراچی کا کوئی علاقہ ایسا نہ ہو جہاں ہمارا اتحاد قائم نہ ہو۔
قبل ازیں پاکستان پیپلزپارٹی کی رہنما آصفہ بھٹو زرداری نے کارکنان اور عوام کے نام جاری پیغام میں کہا کہ آپ لوگ باہر نکل کر ووٹ دیں اور بلدیاتی انتخابات میں اپنا فریضہ پورا کریں۔ آصفہ بھٹو نے کہا کہ پی پی واحد جماعت ہے جو انسانی حقوق اور برابری پر یقین رکھتی ہے، کراچی ہم سب کا شہر ہے، کراچی شہر کی ترقی و خوشحالی کے لئے 15 جنوری کو تیر کے نشان پر ووٹ دے کر پی پی کو کامیاب کریں۔
دریں اثنا پاکستان پیپلز پارٹی کراچی ڈویژن کے صدر سعید غنی کا 15 جنوری کو کراچی میں ہونے والے بلدیاتی انتخابات میں پیپلز پارٹی کے امیدواروں کو ووٹ دینے کے حوالے سے کراچی کے عوام کے لئے پیغام جاری کیا۔ جس میں انہوں نے کہا کہ پیپلز پارٹی کے امیدواروں کو ووٹ دے کر کراچی میں جاری ترقیاتی کاموں کے سفر کو مزید تیز اور بہتر کیا جاسکتا ہے۔ پیپلز پارٹی کے کامیاب امیدواروں کے پاس کام نہ کرنے کا کوئی جواز نہیں ہوگا کیونکہ صوبائی حکومت پیپلز پارٹی کی ہے۔
سعید غنی نے کہا کہ پیپلز پارٹی کے کامیاب امیدواروں کے پاس اختیارات نہ ہونے کا رونا بھی نہیں ہوگا، کراچی کے عوام ” تیر” کے نشان پر پیپلز پارٹی کے نامزد امیدواروں کو ووٹ دے کر کامیاب بنائیں۔
