لیڈی ہیلتھ ورکرز کی خالی اسامیوں پر سلیکٹ ہونے والی خواتین جوائننگ نہ ملنےکے خلاف دھرنے میں بیٹھی ہیں، دھرنے میں گلگت بلتستان کے مختلف اضلاع سے تعلق رکھنے والی خواتین شریک ہیں۔
خیال رہےکہ 2 ماہ قبل لیڈی ہیلتھ ورکرز کی خالی اسامیوں پر کامیاب امیدواروں کی فہرست جاری کی گئی تھی، وزیراعلیٰ نے بے قاعدگیوں کی شکایات پر لیڈی ہیلتھ ورکرز کی تقرریاں روک دی تھیں۔
گزشتہ رات دھرنے میں موجود ایک لیڈی ہیلتھ ورکر شدید سردی کے باعث اچانک بے ہوش ہوگئی تھی، جسے ریسکیو 1122 کے اہلکاروں نے ابتدائی طبی امداد دیتے ہوئے اسپتال منتقل کیا۔
دھرنے میں شریک زیادہ تر خواتین اور چھوٹے بچے بیمار ہوگئے ہیں، خواتین کا کہنا ہےکہ جب تک ہمارے مطالبات نہیں مانے جاتے ہم دھرنے میں موجود رہیں گی۔
ان کا کہنا ہےکہ وزیراعلیٰ گلگت بلتستان جوائننگ لینےکا آرڈر ایشو کریں، ہم اپنا احتجاج ختم کرکے پرامن طور پر منتشر ہوجائیں گے، دوسری صورت میں ضرورت پڑنے پر 600 لیڈی ہیلتھ ورکرز کو مختلف اضلاع سےگلگت پہنچنے کی کال دیں گے۔
