سال 2022 میں نیدرلینڈز میں نومولود بچوں کے رکھے جانے والے مقبول ناموں کی فہرست سامنے آگئی جس میں نام “محمد” دوسرا سب سے زیادہ مقبول نام رہا۔
غیر ملکی میڈیا رپورٹس کے مطابق ڈچ سوشل انشورنس بینک نے حال ہی میں نوزائیدہ بچوں کے ناموں کی ایک فہرست جاری کی ہے۔
اس فہرست کے مطابق سال 2022 میں ملک بھر میں نوزائیدہ لڑکوں کے نام ایمان کی بنیاد پر رکھے جانے کا رجحان عام ہوا۔
گزشتہ سال کی رپورٹ کے مطابق 871 لڑکوں کا نام نوح جبکہ 677 لڑکوں کا نام محمد رکھا گیا۔
خیال رہے کہ محمد نام کو برطانیہ میں بھی لڑکوں کا سب سے مقبول ترین نام قرار دیا گیا اور یہ اعزاز اس نے مسلسل تیسرے سال حاصل کیا تھا برطانیہ میں محمد نام 2017 سے مقبول ترین یا سرفہرست پوزیشن پر ہے جبکہ 2014 اور 2015 میں بھی یہ سرفہرست رہا تھا۔
