شنگھائی تعاون تنظیم کا سربراہی اجلاس ازبکستان کے شہر سمرقند میں آج سے شروع ہوگا۔ پاکستان کی نمائندگی وزیراعظم شہباز شریف کریں گے۔
میڈیا رپورٹس کے مطابق سربراہی اجلاس میں شرکت کے علاوہ وزیراعظم سائیڈ لائنز پر دیگر رہنماؤں سے دو طرفہ ملاقاتیں بھی کریں گے۔
رپورٹس کے مطابق وزیراعظم شہباز شریف ملکہ الزبتھ دوم کی آخری رسومات میں شرکت کریں گے اور رواں ہفتے کے آخر میں لندن جائیں گے، جہاں وہ (ن) لیگ کے قائد نواز شریف سے بھی ملاقات کریں گے، وزیراعظم 19ستمبر کی شام لندن سے نیویارک روانہ ہوں گے جہاں انہیں اقوام متحدہ کی جنرل اسمبلی سے خطاب کرنا ہے۔
