وفاقی پولیس نے چئیرمین تحریک انصاف اور سابق وزیراعظم عمران خان سے سیکیورٹی واپس لینے کی خبروں کو افواہ قرار دیتے ہوئے کہا کہ مزید ضرورت پڑی تو اضافی سکیورٹی بھی مہیا کی جائے گی۔
وفاقی پولیس نے عمران خان سے سیکیورٹی واپس لینے کی تردید کرتے ہوئے کہا کہ چیئرمین پی ٹی آئی کو سابق وزیراعظم کی مروجہ سیکیورٹی دی جارہی ہے۔
پولیس کا کہنا ہے کہ عمران خان کے حوالے سے جن خدشات کا اظہار کیا جا رہا ہے انکو مد نظر رکھتے ہوئے سابق وزیراعظم کو مقررہ تعداد سے زائد سکیورٹی مہیا کی جا رہی ہے، مزید ضرورت پڑی تو اضافی سیکیورٹی بھی مہیا کی جائے گی۔
پولیس حکام نے مزید بتایا کہ دوسرے صوبوں کی پولیس وزارتِ داخلہ کی اجازت اور پولیس رولز کے مطابق ہی طلب کی جا سکتی ہے۔
وفاقی پولیس نے عوام سے گزارش کی کہ غیر مصدقہ اطلاعات پر کان مت دھریں اوراسلام آباد کیپٹل پولیس کے ساتھ تعاون کریں۔
