غزہ میں دوسرے روز بھی اسرائیل کی وحشیانہ بمباری کے نتیجے میں شہید فلسطینوں کی تعداد 29 سے تجاوز کرگئی۔
غیر ملکی خبررساں ایجنسی کی رپورٹ کے مطابق غزہ میں اسرائیلی طیاروں کی مسلسل دوسرے روز بمباری سے 6 معصوم بچوں سمیت شہداء کی تعداد 29 سے تجاوز کرگئی ہے۔
اسرائیل کی جانب سے مہاجر کیمپ پر راکٹ فائر کیا گیا جس کے نیتجے میں بچوں سمیت 7 عام شہری شہید ہوگئے جبکہ متعدد زخمی ہیں۔
فلسطینی وزارت صحت کا کہنا ہے کہ اسرائیلی کی تازہ کارروائیوں اور حملوں میں زخمیوں کی تعداد 200 سے تجاوز کرچکی ہے جبکہ متعدد کی حالت تشویشناک ہے۔
یہ خبر بھی پڑھیں: صیہونی فوج کی غزہ پربمباری، 5 سالہ بچی سمیت 15 افراد شہید
دوسری جانب متحدہ عرب امارات، فرانس، چین اور دیگر ممالک نےغزہ میں پیشرفت پر بحث کیلئے کل سلامتی کونسل کا بند کمرہ اجلاس بلانے کی درخواست کردی ہے۔
قبل ازیں گزشتہ روز اسرائیل کی غزہ پر بمباری سے 5 سالہ بچی سمیت 15 سے زائد فلسطینی شہید جبکہ 100 سے زائد زخمی ہوئے تھے۔
