برطانوی شہزادہ چارلس کے دفتر نے کہا ہے کہ شہزادے نے رقم کی صورت میں جو عطیات وصول کیں ان کا درست طریقے سے استعمال کیا گیا۔
غیر ملکی خبر رساں ایجنسی کی رپورٹ کے مطابق برطانوی شہزادے کے دفتر سے یہ بیان ایک اخبار کی اس رپورٹ کے بعد سامنے آیا ہے کہ شہزادہ چارلس نے سابق قطری وزیر اعظم کی جانب سے 30 لاکھ یوروز (32 لاکھ ڈالر) نقد وصول کیے، جن میں سے کچھ شاپنگ بیگز میں موصول ہوئے۔
سنڈے ٹائمز کے مطابق شہزادہ چارلس نے 2011 اور 2015 کے درمیان شیخ حمد بن جاسم بن جابر الثانی کی طرف سے ذاتی طور پر دی گئی نقد رقم کو تین اقساط میں قبول کیا۔
شہزادے کے دفتر نے بیان میں کہا کہ ’شیخ حمد بن جاسم کی طرف سے موصول ہونے والی خیراتی عطیات فوری طور پر شہزادے کے خیراتی اداروں میں سے ایک کو بھیجی گئی جس نے مناسب طور پر اسے سنبھالا اور ہمیں یقین دلایا کہ تمام درست عمل کی پیروی کی گئی۔‘
