پاکستان تحریک انصاف (پی ٹی آئی) پنجاب کے صدر شفقت محمود کی جانب سے استعفیٰ دینے کے بعد پارٹی قیادت نے ڈاکٹر یاسمین راشد کو تحریک اںصاف وسطی پنجاب کا صدر بنادیا۔
پی ٹی آئی کی جانب سے جاری نوٹی فکیشن کے مطابق حماد اظہر کو جنرل سکریٹری وسطی پنجاب جبکہ عامر کیانی کو صدر شمالی پنجاب بنادیا گیا، عمر ایوب تحریک انصاف کے ایڈیشنل سیکرٹری جنرل مقرر ہوئے ہیں۔
نوٹی فکیشن کے مطابق عون عباس جنوبی پنجاب کے صدر کے عہدے پر تعینات کیے گئے ہیں۔ پارٹی کے چیئرمین عمران خان کی منظوری کے بعد پارٹی سیکریٹری جنرل اسد عمر نے نوٹی فکیشن بھی جاری کردیا۔
