بھارتی فوجی جوانوں کو پرتاپ پور بریگیڈ ہیڈکوارٹر سے سب سیکٹر لے جانے والی بس دریا برد ہوگئی، حادثے میں سات فوجی ہلاک جب کہ متعدد زخمی ہوگئے۔
غیر ملکی میڈیا کے مطابق بھارتی فوجیوں کے ساتھ حادثہ جمعے کی صبح 9 بجے لڈاخ ترتُک سیکٹر میں اس وقت پیش آیا جب فوجیوں کو لے جانے والی بس سڑک سے پھسل کر شیوک دریا میں جاگری۔
بھارتی فوجی حکام کا کہنا ہے کہ حادثے کے نتیجے میں 7 بھارتی فوجی ہلاک جب کہ 19 اہلکار زخمی ہوگئے۔
آرمی حکام کا کہنا ہے کہ بس میں 26 فوجی سوار تھے جو پرتاپ پور میں واقعے ہیڈکوارٹر سے سب سیکٹر حنیف کی جانب جارہے تھے۔
سفر کے دوران فوجی گاڑی سڑک سے پھسل کر شیوک دریا میں جاگرا جس کی گہرائی 50 سے 60 فٹ تھی۔
حادثے کے باعث ٹرک میں سوار تمام فوجی اہلکار شدید زخمی ہوئے جنہیں پرتاپ کے فوجی اسپتال منتقل کیا گیا جہاں ڈاکٹرز سے سات فوجیوں کی ہلاکت کی تصدیق کی۔
