بلدیہ شرقی میں معیاری کاموں کے ذریعے عوام کو مستفید کر رہے ہیں، رحمت اللہ شیخ

ضلع شرقی کے مختلف علاقوں میں گلیوں کو پختہ کرنے کے کام جاری

ایڈمنسٹریٹر بلدیہ شرقی رحمت اللہ شیخ کا افسران کے ہمراہ جاری کاموں کا معائنہ

بلدیاتی خدمات کا دائرہ کار گلی، محلوں تک دراز کر دیا گیا ہے، رحمت اللہ شیخ

دستیاب وسائل میں منصفانہ بنیادوں پر علاقوں میں کام سر انجام دئیے ہیں، رحمت اللہ شیخ

کراچی(پ ر) ترقیاتی کاموں کا دائرہ کار سڑکوں تک محدود رکھنے کے بجائے گلی، محلوں تک پہنچایا ہے، مناسب حکمت عملی ترتیب دیکر دستیاب وسائل میں زیادہ سے زیادہ ترقیاتی کام سر انجام دینے کی کوشش کی ہے.
ان خیالات کا اظہار ایڈمنسٹریٹر ڈی ایم سی ایسٹ رحمت اللہ شیخ نے سپریٹنڈنگ انجنئیر سلمان میمن، ایگزیکٹیو انجنئیر ایم اینڈ ای امتیاز بھٹو اور ایڈیشنل ڈائریکٹر توقیر عباس کے ہمراہ بلوچ کالونی یوسی 5، یوسی 7 کی گلیوں اور کراچی ایڈمن سوسائٹی کی گلیوں کو پیور بلاکس کی مدد سے پختہ کرنے کے کاموں کے معائنے کے دوران کیا.
انہوں نے مزید کہا کہ بلدیاتی خدمات کا دائرہ کار اب گلی محلوں تک پہنچا دیا گیاہے،دستیاب وسائل میں منصفانہ بنیادوں پر جہاں تک بلدیاتی خدمات پہنچا سکتے ہیں پہنچا رہے ہیں، معیاری کام پر کوئ سمجھوتہ نہیں، جو بھی ترقیاتی کام سر انجام دے رہے ہیں وہ معیار کے لحاظ سے بہترین ہیں انہوں نے ترقیاتی کاموں کی انجام دہی پر سپریٹنڈنگ انجنئیر سلمان میمن، ایگزیکٹیو انجنئیر ایم اینڈای امتیاز بھٹو، ایگزیکٹیو انجنئیر اقبال ملاح، توقیر عباس ودیگر افسران کی خدمات کی تعریف کی مذکورہ دورے کے دوران ان کے ہمراہ اسسٹنٹ ایگزیکٹیو انجنئیرز ندیم زیدی، شہباز حسن بھی موجود تھے.