حکومت نے پیٹرولیم مصنوعات کی قیمتیں برقرار رکھنے کا فیصلہ کیا ہے۔ وزارت خزانہ نے پٹرولیم مصنوعات کی قیمتوں کا نوٹیفیکیشن جاری کردیا ہے
جس کے مطابق پٹرول کی قیمت 149 روپے 86 پیسے پر برقرار رکھی گئی ہے۔
اس کے علاوہ ہائی سپیڈ ڈیزل کی قیمت 144 روپے 15 پیسے، مٹی کے تیل کی قیمت 125 روپے 56 پیسے جب کہ لائٹ ڈیزل 118 روپے 31 پیسے برقرار رکھی گئی ہے۔
نوٹی فکیشن میں کہا گیا ہے کہ وزیراعظم کے فیصلے کی روشنی میں بین الاقوامی مارکیٹ میں غیر معمولی اضافے کے باوجود پیٹرولیم مصنوعات کی قیمتوں میں نہ اضافہ کرنے کا فیصلہ کیا گیا ہے۔
مزید کہا گیا ہے کہ پیٹرولیم مصنوعات کی قیمتوں کو برقرار رکھنے کے لیے حکومت 30 ارب روپے کا بوجھ برداشت کرے گی۔
