پی ٹی آئی حکومت پیٹرولیم مصنوعات کی قیمتوں کو ملکی تاریخ کی بلند ترین سطح پر پہنچانے کے اپنے ہی ریکارڈ توڑ رہی ہے۔
پیٹرول کی قیمت میں 12روپے، ڈیزل اور مٹی کے تیل کی قیمتوں میں 10روپے کا اضافہ وزیر اعظم کا انتہائی ظالمانہ اور عوام دشمن فیصلہ ہے۔
امیر جماعت اسلامی پاکستان سراج الحق کی اپیل پر پیٹرولیم مصنوعات کی قیمتوں اور ہوشربا مہنگائی کے خلاف جمعرات اور جمعہ کو ملک بھر میں دو روزہ احتجاج کا اعلان کیا گیا ہے۔
امیرجماعت اسلامی کراچی کا کہنا ہے کہ قیمتوں میں اضافہ اوگرا کی تجویر کردہ قیمت سے زیادہ کیا گیا، لیوی میں بھی اضافہ کیا گیا۔
آئی ایم ایف کی شرائط کے تحت لیوی میں مزید اضافہ کیا جائے گا جو ہر ماہ4 روپے تک کیے جانے کا امکان ہے۔
امیرجماعت اسلامی کراچی نے مطالبہ کیا ہے کہ وزیر اعظم پیٹرولیم مصنوعات کی قیمتوں میں اضافہ واپس لیں۔
آئی ایم ایف اور ورلڈ بینک کی ڈکٹیشن لینے اور عوام دشمن شرائط تسلیم کرنے کے بجائے غریب عوام کو ریلیف دینے کے اقدامات اور فیصلے کریں۔
