ایگزیکٹیو انجنئیر ایم اینڈای امتیاز بھٹو فلائ اوورز کی زیریں گزرگاہوں روشن بنانے میں مصروف
نرسری، بلوچ کالونی، کارساز اور فوزیہ وہاب فلائ اوورز کے انڈر ویز پہلے ہی دلکش روشنیاں بکھیر رہے ہیں
کراچی (پ ر) ایڈمنسٹریٹر ومیونسپل کمشنر فہیم خان کی ہدایت پر ضلع شرقی کو صاف ستھرا اور خوبصورت بنانے کا کام جاری ہے،ایگزیکٹیو انجنئیر ایم اینڈای امتیاز بھٹو کی کاوشوں سے اسوقت ضلع شرقی میں موجود فلائ اوورز کی زیریں گزرگاہیں خوبصورت اور دلکش روشنیوں سے منور بنا دیا گیا ہے، نرسری، کارساز، بلوچ کالونی اور فوزیہ وہاب فلائ اوورز کے بعد حسن اسکوائر فلائ اوور کی زیریں گزرگاہ کو خوبصورت روشنی سے آراستہ کرنے کا کام تکمیلی مراحل میں ہے، سپریٹنڈنگ انجنئیر بی اینڈآر سلمان میمن اور ایگزیکٹیو انجنئیر اقبال ملاح کی زیر نگرانی سڑکوں کی بہتری سمیت، نالوں کی صورتحال کو بہتر بنانے کیلئے اقدامات جاری ہیں،انچارج ڈیبریز ریموول راؤ شمشاد کی نگرانی میں ضلع شرقی کے مختلف میدانوں میں موجود ملبے اور مٹی کو صاف کر کے گراؤنڈز کی اصل شکل کو بحال کیا جارہا ہے،ایڈمنسٹریٹر ومیونسپل کمشنر فہیم خان نے کہا ہے کہ ضلع شرقی کی مختلف یونین کمیٹیز میں بلدیاتی امور کی انجام دہی کیلئے اقدامات بروئے کار لائے جارہے ہیں ضلع شرقی میں موجود فلائ اوورز کے زیریں راستے آنے جانے والوں کو خوبصورت روشنیوں کے ذریعے متاثر کر رہے ہیں انہوں نے فلائ اوورز کے زیریں راستوں کو دلکش روشنیوں سے آراستہ کرنے سمیت دیگر بلدیاتی خدمات کی انجام دہی پر محکمہ ایم اینڈای ودیگر محکمہ جات کی خدمات کو سراہا.
