یوکوکورا کا کہنا تھا وہ یہ نہیں کہہ رہے کہ جاپان کو اولمپکس کی میزبانی کرنی چاہئے یا نہیں، لیکن ایسا کرنا مشکل ہوگا۔
کورونا کے پیش نظر اولمپکس کھیلوں کو 2021 تک کے لیے ملتوی کردیا گیا تھا تاہم اولمپکس کی نئی تاریخ پر ماہرین نے شبہات کا اظہار کیا ہے۔
خیال رہے کہ چین کے شہر ووہان سے پھوٹنے والی وبا کورونا وائرس کے باعث جاپان میں ہونے والا بین الاقوامی ملٹی اسپورٹس ایونٹ ٹوکیو اولمپکس 2020 ملتوی کر دیا گیا تھا۔
غیر ملکی خبر رساں ادارے کے مطابق ٹوکیو اولمپکس کا انعقاد جاپان میں رواں برس 24 جولائی سے 9 اگست تک کیا جانا تھا جس کے لیے جاپان میں بڑے پیمانے پر انتظامات بھی کیے جا رہے تھے۔
خیال رہے کہ کینیڈا نے ٹوکیواولمپکس کے لیے اپنی ٹیم نہ بھیجنے کا اعلان کیا تھا جبکہ امریکی صدر ڈونلڈ ٹرمپ نے بھی کورونا کے پیش نظر اولیمپکس معطل کرنے کی تجویز دی تھی۔
واضح رہے کہ پہلی اور دوسری جنگ عظیم کے سوا اولمپکس مقابلے ہر چار سال بعد باقاعدگی سے منعقد ہوتے رہے ہیں اور اب تک افریقہ کے سوا ہر برِاعظم کو اس کی میزبانی کا موقع مل چکا ہے حالانکہ اولمپکس کے پرچم پر موجود پانچ دائرے انہی براعظموں کی نشاندہی کرتے ہیں۔
