آج وطن سے تجدید عہد کا دن ہے،وطن کی ترقی،سلامتی اور خوشحالی کا عزم کیا جائے۔ڈاکٹر محمد بخش راجہ دھاریجو

ڈسٹرکٹ کورنگی میں جشن آزادی ملی جو ش و جذبے کے ساتھ منایا گیا
ضلعی انتظامیہ اور بلدیہ عالیہ کورنگی کے تحت مرکزی دفتر میں پرچم کشائی کی تقریب،کیک بھی کاٹا گیا
آج وطن سے تجدید عہد کا دن ہے،وطن کی ترقی،سلامتی اور خوشحالی کا عزم کیا جائے۔ڈاکٹر محمد بخش راجہ دھاریجو
14اگست ہماری زندگیوں میں سب سے اہم دن ہے آج ہم آزاد قوم کی حیثیت سے دنیا کے نقشے پر اُبرے

کراچی (پ ر ) ڈسٹرکٹ کورنگی میں جشن آزادی ملی جو ش و جذبے کے ساتھ منایا گیا عوام نے زبردست جوش وخروش کے ساتھ آزادی وطن کی 74ویں سالگرہ کا جشن منایا،

ڈسٹرکٹ کورنگی میں مرکزی تقریب ڈی سی آفس کورنگی پر ضلع انتظامیہ اور بلدیہ عالیہ کورنگی کی مشترکہ تقریب میں ڈپٹی کمشنر و ایڈمنسٹریٹر ڈاکٹر محمد بخش راجہ دھاریجو نے میونسپل کمشنر بلدیہ کورنگی محمد فہیم خان اور اسسٹنٹ کمشنرز کے ہمراہ پرچم کشائی کی اس موقع پر اسسٹنٹ کمشنر شاہ فیصل سب ڈویژن نور مصطفی لغاری،اسسٹنٹ کمشنر ماڈل تیمور الطاف میمن،اسسٹنٹ کمشنر کورنگی امتیاز منگی،اسسٹنٹ کمشنر لانڈھی کیپٹن عطاء الرحمن کاکڑ اور بلدیہ کورنگی کے محکماجاتی سربراہان اور ملازمین کی بڑی تعداد موجود تھی۔تقریب میں 74ویں یوم آزادی کا کیک بھی کاٹا گیا۔اس موقع پر یوم آذادی کی تقریب سے خطاب کرتے ہوئے ڈپٹی کمشنر و ایڈمنسٹریٹر کورنگی ڈاکٹر محمد بخش راجہ دھاریجو نے کہاکہ آج وطن سے تجدید عہد کا دن ہے وطن کی ترقی،سلامتی اور خوشحالی کا عزم کیا جائے انہوں نے کہاکہ 14اگست ہماری زندگیوں میں سب سے اہم دن ہے آج ہی کے دن ہم آزاد قوم کی حیثیت سے دنیا کے نقشے پر اُبھرے وطن عزیز کی بنیاد عظیم قربانیوں پر قائم ہوئی حب الوطنی کا تقاضہ ہے کہ ہم اپنے وطن سے محبت اور اس کی ترقی و سلامتی کے لئے اپنی تمام تر کاوشوں اور صلاحیتوں کو بروئے کار لائیں اس موقع پر میونسپل کمشنر محمد فہیم خان نے کہا کہآج ہم یہ عزم کریں کے ہمارا جینا اور مرنا وطن کے لئے ہے ہمیں اس ملک کو سنوارنا ہے اس کے لئے ہمیں ہر شعبے میں صرف ترقی کے جانب گامزن ہونا ہوگا اللہ تعالیٰ ہمیں متحد اور متفق رکھے اور ہمیں اپنے وطن کی دفاع او رسلامتی کے لئے نیک نیتی کے ساتھ خدمات کی انجام دیہی کی توفیق عطا فرمائے۔ :ڈسٹرکٹ میونسپل کارپوریشن کورنگی کراچی