جشن آزادی بلدیہ جنوبی کراچی کی جانب سے شایان شان طریقے سے منایا گیا
کراچی(پ ر) پاکستان کے جشن آزادی کو بلدیہ عالیہ جنوبی کراچی کی جانب سے شایان شان طریقے سے منایا گیا اس سلسلے میں مرکزی تقریب کا آغازبلدیہ جنوبی کے مرکزی دفتر میں قومی پرچم لہرانے سے ہوا اس موقع پرڈپٹی کمشنر و ایڈمنسٹریٹر ساؤتھ رشاد علی سوڈھر نے میونسپل کمشنر اختر علی شیخ، محکمہ جاتی افسران و عملے کے ہمراہ پرچم کشائی کی اس موقع پر قومی ترانہ پڑھا گیا اور ملک کی سالمیت و تعمیروترقی کیلئے دعا کی گئی بچوں نے ملی نغمے پیش کئے
جشن آزادی کی تقریب سے خطاب کرتے ہوئے ڈپٹی کمشنر و ایڈمنسٹریٹرارشاد علی سوڈھر نے کہا کہ آزادی ایک بڑی نعمت ہے وطن عزیز لازوال قربانیوں کا ثمر ہے اسلامی جمہوریہ پاکستان کے حصول میں ہمارے آباؤ اجداد نے اپنی جانوں کا نذرانہ دے کر وطن عزیز کا تحفہ ہمیں دیا اب یہ ہماری قومی ذمے داری ہے کہ ملک کی تعمیر و ترقی، استحکام و تحفظ کیلئے تمام اختلافات بالائے طاق رکھ کر اجتماعی کوششیں کریں تا کہ ملکی وحدت و سالمیت پر کوئی آنچ نہ آنے پائے میونسپل کمشنر اخترعلی شیخ کاکہنا تھا کہ یوم آزادی تجدید عہد کا دن ہے اور زندہ قومیں اپنے قومی دن اور تہوار بھرپور ملّی یکجہتی سے مناتی ہیں آزادی کا دن ہمیں باہمی اتحاد کا درس دیتا ہے آئیں ہم سب مل کر عہد کریں کہ بانی پاکستان قائد اعظم محمد علی جناح کے رہنما اصولوں پر چلتے ہوئے اپنے وطن عزیز کی تعمیر و ترقی کیلئے اپنے فرائض پوری دیانت اور ایمانداری سے انجام دیں گے اور ملک کی سالمیت،استحکام،امن وبھائی چارہ کے فروغ کیلئے مشترکہ جدوجہد کریں گے جشن آزادی کے موقع پر بلدیہ جنوبی کے مرکزی دفتر سمیت ڈسٹرکٹ ساؤتھ کے مختلف چوراہوں،گرین بیلٹس اورسینٹرل آئی لینڈزکو قومی پرچم اور جشن آزادی کی مناسبت سے بینرزاور اسٹیمرزبھی آویزاں کئے گئے۔
