بیرسٹر مرتضیٰ وہاب کی بطور ترجمان حکومت سندھ مقرر کیے جانے کا نوٹی فکیشن بھی جاری کردیا گیا ہے۔
وزیراعلیٰ سندھ مراد علی شاہ نے میئر کراچی بیرسٹر مرتضیٰ وہاب کے علاوہ غنویر علی خان اسران کو حکومت سندھ کے ترجمان مقرر کرنے کا نوٹیفکیشن جاری کردیا گیا ہے۔
گزشتہ حکومت میں بھی میئر کراچی بیرسٹر مرتضیٰ وہاب کے پاس یہ منصب موجود تھا۔
ٹیکنالوجی کمپنی شوئیو کے محققین نے بیزار کر دینے والے گاڑی کے طویل سفروں سے نمٹنے کے لیے ’سوئفٹ پوڈز‘ بنانے کا منصوبہ پیش کیا ہے۔
پیش کیے جانے والے خیال میں گاڑی میں نیند لینے کے لیے ایک بڑا پوڈ دکھایا گیا ہے جس میں دورانِ سفر دو مسافروں کے آرام کرنے کی جگہ ہے۔
سفر کے دوران مسافروں کو کچھ کھانے پینے کی حاجت محسوس ہونے پر گاڑی کو روکنے کی ضرورت بھی نہیں پڑے گی کیوں کہ یہ گاڑی اسنیکس اور مشروبات بھی فراہم کرے گی۔
سوئفٹ پوڈ ایک سادہ سے خیال پر مبنی ہے جس کا مقصد طویل فاصلے کو معقول رفتار کے ساتھ نیند متاثر کیے بغیر طے کرنا ہے۔
ایک بلاگ پوسٹ میں شوئیو کا کہنا تھا کہ رات کی ٹرین کا سفر اور نیند کے بعد منزل پر پہنچ کر آنکھ کھلنے کا مسحور کن خیال ہمیشہ ہماری دلچسپی بڑھا دیتا ہے۔
اس گاڑی کا ڈیزائن تکون رکھا گیا ہے اور اس میں دو مسافروں کے لیے دو سنگل سائز بیڈ رکھے گئے ہیں۔ سفر کے دوران مسافر سیٹ پر بیٹھنے یا آرام دہ بستر پر لیٹنے کا انتخاب کر سکتے ہیں۔
اعلامیے میں کہا گیا ہے کہ ملاقات میں پاکستان میں 5 ارب ڈالر مالیت کے سعودی سرمایہ کاری پیکج کا پہلامرحلہ جلد مکمل کرنے کے عزم کا اعادہ کیا گیا۔
بات چیت کا محورپاک سعودی تعلقات کو مزیدمضبوط اورمختلف شعبوں میں تعاون بڑھانا تھا۔
ملاقات میں پاکستان کی معیشت میں سعودی عرب کے تعاون کو سراہا گیا اور پاک سعودی کاروباراورسرمایہ کاری میں تعاون بڑھانے کے باہمی عزم کا اظہار کیا گیا۔
شہباز شریف نے سعودی عرب کی غیر متزلزل حمایت اور مہمان نوازی پر سعودی ولی عہد کا شکریہ ادا کیا اور دوطرفہ تعلقات اور اقتصادی تعاون کو فروغ دینے کیلئے پاکستان کے عزم کا اعادہ کیا۔
سعودی ولی عہد نے پاکستان کا جلد دورہ کرنے کی دعوت قبول کرلی۔
خیال رہے کہ گزشتہ روز شہباز شریف کی سعودی ولی عہد شہزادہ محمد بن سلمان سے مکہ مکرمہ میں ون آن ون ملاقات ہوئی تھی۔ سعودی ولی عہد نے وزیراعظم کے اعزاز میں افطار ڈنر کا اہتمام کیا تھا۔
محکمہ موسمیات ارلی وارننگ سینٹر کی جانب سے جاری پیش گوئی کے مطابق ملک میں مغرب کی جانب سے یکے بعد دیگرے دوسسٹم داخل ہوں گے،مغربی ہواؤں کا پہلا نیا سلسلہ 10اپریل کو ملک میں داخل ہوگا جبکہ دوسرا مغربی سلسلہ 12اپریل کو داخل ہوگا جو 15اپریل تک برقراررہےگا۔
محکمہ موسمیات کے مطابق دوسرے مغربی سلسلے کے تحت 13 اور14اپریل کوکراچی میں گرج چمک کے ساتھ بارش کا امکان ہے، اس دوران شہرمیں آندھی اورہواؤں کےجھکڑبھی چل سکتے ہیں۔
محکمہ موسمیات کے مطابق دیہی سندھ کے اضلاع سکھر،جیکب آباد، کشمور، لاڑکانہ، دادو، قمبرشہدادکوٹ اورسانگھڑمیں بھی تیزہواؤں اورآندھی کے ساتھ بارش کا امکان ہے۔
ارلی وارننگ سینٹر نے اگلے2سے3روزکے دوران صوبہ سندھ کے بیشترعلاقوں میں موسم گرم رہنے کا امکان ظاہر کیا ہے، اس دوران کہیں پر درجہ حرارت 42 ڈگری اور کہیں 39 ڈگری ریکارڈ ہوسکتا ہے۔
کراچی میں 3 روز کے دوران زیادہ سے زیادہ درجہ حرارت 36 سے 38 ڈگری ریکارڈ ہوسکتا ہے، دوپہرکے وقت سمندری ہوائیں بدستورغیرفعال رہ سکتی ہیں جبکہ شام کے وقت سمندر کی ہوائیں بحال ہونے کی توقع ہے، تاہم ہوا میں نمی کا تناسب کم ہونے کے سبب ہیٹ ویو جیسی صورتحال پیدا نہیں ہوگی۔
محکمہ موسمیات کے مطابق پیر کو کراچی میں زیادہ سے زیادہ پارہ 38ڈگری سینٹی گریڈ ریکارڈ ہوا جبکہ دیہی سندھ کے علاقے شہید بے نظیرآباد میں زیادہ سے زیادہ درجہ حرارت 43.5ڈگری سینٹی گریڈ ریکارڈ ہوا۔
اڈیالہ جیل کے باہر میڈیا سے گفتگو میں چیئرمین پی ٹی آئی بیرسٹرگوہر نے کہا کہ ہمارے جیتے ہوئے امیدواروں کیخلاف پروپیگنڈا کیا جارہا ہے جب درخواست دی جاتی ہے اس کے بعد دی کاؤنٹنگ ہوتی ہے پھر ری کاؤنٹنگ میں جیتے ہوئے امیدوار کو ہرادیا جاتا ہے،
ہمارے امیدواروں کی جیت کو شکست میں تبدیل کرنے کو روکا جائے۔
بیرسٹر گوہر نے کہا کہ کے سینیٹ کے انتخابات پر بانی پی ٹی آئی سے بات ہوئی، ہمارے کے پی میں سینیٹ الیکشن ملتوی کئے گئے،
کے پی کے ساتھ ایسا سلوک کیوں کیا جارہا ہے؟ ہمارا مطالبہ ہے کے پی میں سینیٹ انتخابات تک چیئرمین سینیٹ اور ڈپٹی چیئرمین کے انتخابات نہ کروائے جائیں۔
چیئرمین پاکستان تحریک انصاف بیرسٹرگوہر خان نے کہا ہے کہ سینیٹ میں اپوزیشن لیڈر علی ظفر جبکہ پارلیمانی لیڈر عون عباس ہوں گے۔
اڈیالہ جیل میں بانی پی ٹی آئی اور بشری بی بی کے خلاف 199 ملین پاؤنڈز ریفرنس کی سماعت کے بعد گفتگو میں چیئرمین پی ٹی آئی بیرسٹرگوہر نے کہا کہ آج گواہ نے بتادیا زمین مفت الاٹ نہیں ہوئی، پراسیکیوشن کاکیس زمیں بوس ہو چکا ہے۔
تفصیلات کے مطابق سکھر میں رہنما پیپلزپارٹی خورشیدشاہ نے میڈیا سے گفتگو کرتے ہوئے کہا کہ 300یونٹ تک فری بجلی کیلئےسولرسسٹم دےرہےہیں لیکن وقت لگےگا۔
خورشید شاہ کا کہنا تھا کہ نواز شریف کے ساتھ جو ہوا گھر کا معاملہ ہے اس میں کچھ نہیں کہوں گا،اپوزیشن کو مار دھاڑ سوٹ کرتی ہے،پارلیمنٹ میں شورسے کچھ نہیں ہوتا، پارلیمنٹ میں شور ہوتا ہے تو ہم انجوائے کرتے ہیں۔
رہنما پی پی نے کہا کہ جلسے جلوسوں سےحکومتیں نہیں جاتیں، آئین،قانون کےتحت اپوزیشن پارلیمنٹ میں کردار ادا کرے، اپوزیشن آئین کےمطابق کرداراداکرے تو حکومت کیلئے پریشانیاں پیدا ہوسکتی ہیں۔
انھوں نے بتایا کہ آئی ایم ایف سےمعاملات طےہوبھی گئے تو وہ سب مصنوعی ہوگا، ہمیں مستقل بنیادوں پر ان مسائل کا حل نکالنا ہوگا، تمام وسائل کے باوجود مسائل حل نہیں ہورہے،پتہ نہیں کیسی مجبوریاں ہیں۔
خورشید شاہ نے مزید کہا کہ اندرون سندھ میں صحت کے حوالے سے بہت مسائل ہیں ، محکمہ صحت میں کرپشن کے باعث مسائل سامنے آئے ہیں، نگراں سیٹ اپ میں کوئی پوچھنے والانہیں تھا اس لیے اداروں کا برا حال ہوا۔
لینڈ سلائیڈ کے نتیجے میں نائب صوبیدار خالد شدید زخموں کی تاب نہ لاتے ہوئے شہید ہو گئے، جب کہ 2 اہلکار شدید زخمی ہو گئے ہیں۔
آئی ایس پی آر کے مطابق شاہراہ قراقرم پر چلاس کے قریب گونر فارم کے مقام پر لینڈ سلائیڈنگ کے نتیجے میں شاہراہ پر ہر قسم کی ٹریفک کی آمد و رفت بند ہو گئی تھی، متاثرہ ٹریفک اور پھنسے ہوئے لوگوں کی مدد کے لیے فرنٹیئر ورکس آرگنائزیشن (ایف ڈبلیو او) کی ٹیم نائب صوبیدار خالد کی سربراہی میں بھیجی گئی۔
اہلکاروں نے فوری طور پر جائے وقوعہ پر پہنچ کر کلیئرنس کا کام شروع کر دیا، کلیئرنس کے عمل کے دوران ہی ایک اور لینڈ سلائیڈ گرنے سے ٹیم زد میں آئی اور کام کرنے والے اہلکار زخمی ہوئے، جن میں نائب صوبیدار خالد شدید زخموں کی تاب نہ لاتے ہوئے شہید ہو گئے، جب کہ سیپر (Sapper) وسیم اور لانس نائیک عظمت شدید زخمی ہوئے، جن کو علاج کے لیے اسپتال منتقل کر دیا گیا ہے۔
ترجمان کے مطابق پاک فوج تمام تر مشکلات کے باوجود قوم کی خدمت کے لیے پرعزم ہے۔
تفصیلات کے مطابق ایچی سن کالج کے بورڈ آف گورنرز نے رولز میں ترامیم کر دی ہیں، ایچی سن کالج بورڈ نے فیصلہ کیا ہے کہ غیر حاضری کے دوران طالب علم کی 50 فی صد فیس معاف ہوگی۔
اس فیصلے کا اطلاق صرف جونیئر طلبہ پر ہوگا، سینئر طلبہ کی غیر حاضری پر مکمل فیس وصول ہوگی، 100 فی صد فیس معافی کا اطلاق صرف قرآن حفظ کے لیے چھٹی پر ہوگا۔
ایچی سن بورڈ کے مطابق پچھلی تاریخوں میں کسی طالب علم کی فیس معاف نہیں کی جائے گی،
گورنر بلیغ الرحمان کی سربراہی میں ہونے والے اجلاس میں نئے رولز کی منظوری دے دی گئی، فیصلے کا اطلاق قانونی رائے کے بعد کر دیا جائے گا۔
آج ہفتے کو سندھ ہائیکورٹ میں امن و امان سے متعلق اجلاس منعقد ہوا، جس میں ڈی جی رینجرز نے کراچی کی طرز پر اندرون سندھ میں بھی اختیارات مانگ لیے۔
ڈی جی رینجرز نے کہا رینجرز کو کراچی کی طرز پر اندرون سندھ میں بھی اختیارات دیے جائیں، کراچی میں دہشت گردی کے خلاف جو اختیارات ملے تھے وہی دیے جائیں۔
امن و امان سے متعلق اجلاس میں چیف جسٹس سندھ ہائیکورٹ نے کہا ایک ماہ میں امن و امان یقینی بنایا جائے، چیف جسٹس نے حکام کو ہدایت کی کہ کوئی کتنا طاقت ور کیوں نہ ہو،
اس کے ساتھ رعایت نہ برتی جائے، امن و امان خراب کرنے والے جتنے بھی طاقت ور ہوں انجام تک پہنچایا جائے، چیف جسٹس نے 15 دن میں امن و امان سے متعلق رپورٹس طلب کیں۔
آئی جی سندھ غلام نبی میمن نے کہا سندھ ہائیکورٹ میں امن وامان اجلاس کا 3 نکاتی ایجنڈا تھا، کراچی میں اسٹریٹ کرائمز، سیف سٹی اور کچے کے ڈاکوؤں کا مسئلہ، ان مسائل پر چیف جسٹس نے بریفنگ لی اور ہدایات جاری کیں۔
انھوں نے کہا عدالتی احکامات پر جو عمل درآمد ہوا اس پر بھی بریفنگ دی گئی، کراچی میں اسٹریٹ کرائمز روکنے کے لیے گشت بڑھانے پر بات ہوئی، فوجداری نظام انصاف میں کئی چیزوں کو بہتر کرنے کی ضرورت ہے،
اجلاس میں تفتیش کے حوالے سے اہم نکات پر گفتگو کی گئی، اجلاس میں ہم نے اپنی گزارشات رکھیں اور تجاویز دیں، یقینی بنایا جائے گا کہ جھوٹے مقدمات نہیں بنیں، اس طرح بوجھ بھی کم ہوگا۔