اسرائیل نے اب تک 155 اسپتالوں اور طبی اداروں کو مکمل یا جزوی طور پر تباہ کیا ہے، اسرائیلی حملوں نے 32 بڑے اسپتالوں اور 53 ہیلتھ سینٹرز کو غیر فعال کر دیا ہے۔

فلسطینی وزارت صحت کے مطابق اسرائیلی فوج کی جانب سے اب تک طبی عملے کے 310 افراد کو گرفتار کیا گیا جب کہ 155 اسپتالوں اور طبی اداروں کو مکمل یا جزوی طور پر تباہ کردیا گیا ہے۔

فلسطینی وزارت صحت کا کہنا ہے کہ اسرائیلی حملوں میں اب تک طبی عملے کے 489 افراد شہید جب کہ 600 سے زائدزخمی بھی ہوئے ہیں، اسرائیلی حملوں نے 32 بڑے اسپتالوں اور 53 ہیلتھ سینٹرز کو غیر فعال کیا، 126 ایمبولینسز بھی تباہ ہو گئیں۔

فلسطینی وزارت صحت کے مطابق غزہ سے اب تک 4373 مریضوں کو علاج کے لیے بیرون ملک منتقل کیا گیا اور اب بھی 10 ہزار سے زائدزخمی بیرون ملک منتقل ہونے کے منتظر ہیں۔

فلسطینی وزارت صحت کا بتانا ہے کہ غزہ میں اب تک 33545 افراد شہید اور 76094 افراد زخمی ہوئے ہیں جب کہ ملبے میں دبے ہوئے افراد کی تعداد 2367 ہے۔

مزید برآں غزہ میں غذائی قلت سے اب تک بچوں سمیت 28 افراد شہید ہو چکے ہیں۔

نئے قواعد کے تحت ہنر مند اور فیملی ویزا پر برطانیہ آنے والوں کیلئے کم از کم تنخواہ کی شرط میں اضافہ کیا گیا ہے۔

اسکلڈ ورکرز کے برطانوی ویزا کیلئے تنخواہ کی حد 26ہزار 200 سے بڑھا کر 38 ہزار 700 پاؤنڈ کی گئی ہے تاہم کم از کم تنخواہ کی حد ہیلتھ اینڈ سوشل کیئر اور ٹیچرز وغیرہ پر لاگو نہیں ہوگی۔

نئے قواعد کے تحت سوشل کیئر کے شعبے میں کام کرنے والے افراد اب زیر کفالت افراد کو برطانیہ نہیں لا سکیں گے۔

برطانوی حکومت کی جانب سے فیملی ویزا کیلئے بھی کم از کم تنخواہ کی حد 18 ہزار600 سے بڑھا کر 29ہزارپاؤنڈ کی گئی ہے۔

فیملی ویزا کیلئے کم از کم تنخواہ کی حد کو 2025 تک پہلے 34 ہزار500 اور پھر 38 ہزار 700 پاؤنڈ کردیا جائے گا تاہم فیملی ویزا پر مقیم افراد پر ویزا کی تجدید کے وقت نئے قواعد کا اطلاق نہیں ہوگا۔

میتھیو ملر نے پریس بریفنگ کے دوران کہا ہے کہ بظاہر اسرائیل فلسطین تنازع کا دو ریاستی حل مشکل ہے، تاہم اسرائیل فلسطین تنازع کا دو ریاستی حل ہی آگے بڑھنے کا راستہ ہے۔

میتھیو ملر نے کہا ہے کہ بد قسمتی سے یہود دشمنی اور مسلم مخالف جذبات میں اضافہ ہو رہا ہے، اسرائیل فلسطین تنازع کا حل مسلمان، عیسائی اور یہودیوں کے مفاد میں ہے۔

ترجمان امریکی محکمہ خارجہ کا کہنا تھا کہ اس تنازع کا خاتمہ خطے کے دیگر ممالک کے مفاد میں بھی ہے۔

میتھیو ملر نے کہا ہے کہ اسرائیل فلسطین تنازع سے متعلق دنیا بھر میں بڑھتی نفرتیں باعثِ تشویش ہیں، اس تنازع میں کسی فریق کو غیر انسانی سلوک روا رکھنے کا لائسنس حاصل نہیں۔

انہوں نے مزید کہا کہ سب سے بھیانک چیز ہے کہ دونوں جانب سے غیر انسانی سلوک روا رکھا جا رہا ہے، غیر انسانی سلوک کی مخالفت کرتے ہیں، یہ کسی کے مفاد میں نہیں۔

ترجمان امریکی محکمۂ خارجہ میتھیو ملر نے یہ بھی کہا ہے کہ فلسطین کے ساتھ مصالحت اسرائیل کی سلامتی کے مفاد میں ہے، اسرائیل فلسطین تنازع کا پائیدار حل تلاش کرنے کی کوشش کر رہے ہیں۔

ویتنامی شہر ہو چی من کی ایک عدالت نے 67 سالہ پراپرٹی ڈویلپر تھرونگ مے لین کو 11 سال کے دوران 44 ارب ڈالرز لوٹنے اور سرکاری حکام کو رشوت دینے کے جرائم میں سزائے موت سنائی۔

تھرونگ مے لین نے ویتنام کے چند بڑے بینکوں میں سے ایک سائیگون کمرشل بینک سے قرضوں کے ذریعے 44 ارب ڈالرز حاصل کیے۔

برطانوی نشریاتی ادارے کی رپورٹ کے مطابق اس کیس کو دنیا بھر کے چند بڑے بینک فراڈز میں سے ایک قرار دیا جا رہا ہے اور عدالتی فیصلے میں کہا گیا کہ تھرونگ مے لین کو 27 ارب ڈالرز واپس کرنا ہوں گے۔

مگر پراسیکیوٹرز کا کہنا ہے کہ اس رقم کو دوبارہ حاصل کرنا شاید ممکن نہیں ہوگا، جبکہ کچھ کا خیال ہے کہ تھرونگ مے لین سے اربوں ڈالرز واپس حاصل کرنے کے لیے سزائے موت کو دباؤ کے طور پر استعمال کیا جا رہا ہے۔

اس مقدمے کے حوالے سے حکام کی جانب سے زیادہ تفصیلات جاری نہیں کی گئی ہیں۔

انہوں نے بتایا کہ 2700 افراد کو گواہی کے لیے طلب کیا گیا جبکہ اس مقدمے میں 10 ریاستی پراسکیوٹرز سمیت 200 وکیل شامل تھے۔

خاتون کے خلاف شواہد کو 104 ڈبوں میں اکٹھا کیا گیا تھا جن کا وزن 6 ٹن تھا جبکہ تھرونگ مے لین کے ساتھ ان کے شوہر اور بھانجی سمیت مزید 85 افراد پر بھی مقدمہ چلایا گیا جن کی جانب سے الزامات کی تردید کی گئی۔

یہ ویتنام کی حکمران کمیونسٹ پارٹی کی کرپشن کے خلاف مہم کا سب سے ڈرامائی مقدمہ قرار دیا جا رہا ہے۔

ویتنامی کمیونسٹ پارٹی کا ماننا ہے کہ کرپشن کی روک تھام نہ ہونے سے عوام میں اشتعال بڑھ رہا ہے جو اقتدار پر پارٹی کی اجارہ داری کے لیے خطرہ ہے۔

اسی مقصد کے لیے 2016 میں اینٹی کرپشن مہم شروع کی گئی جس کے دوران 2 صدور اور 2 نائب وزرائے اعظم مستعفی ہونے پر مجبور ہوئے جبکہ سیکڑوں عہدیداران کو برطرف یا جیل بھیجا گیا۔

اب ویتنام کی امیر ترین خواتین میں سے ایک تھرونگ مے لین کو سزائے موت سنائی گئی ہے۔

خاتون کی جانب سے مقدمے میں عائد کیے گئے تمام الزامات کی تردید کی گئی۔

میڈیا رپورٹس کے مطابق2011 میں تھرونگ مے لین نے 3 چھوٹے بینکوں کو اکٹھا کرکے سائیگون کمرشل بینک کی شکل دی۔

ویتنامی قوانین کے تحت کسی فرد کو کسی بینک کے 5 فیصد سے زائد حصص اپنے پاس رکھنے کی اجازت نہیں مگر پراسیکیوٹرز کے مطابق تھرونگ مے لین نے متعدد گھوسٹ کمپنیوں اور افراد کو استعمال کرکے بینک کے 90 فیصد سے زائد حصص حاصل کرلیے۔

انہوں نے مزید بتایا کہ تھرونگ مے لین نے اپنی طاقت کا استعمال کرکے اپنے افراد بینک کے عملے میں شامل کیے اور ان کے ذریعے اپنی گھوسٹ کمپنیوں کے نیٹ ورک کے لیے سیکڑوں قرضوں کی منظوری دی۔

قرضوں کا حجم بھی دنگ کر دینے والا ہے جو بینک کے مجموعی قرضوں کے 93 فیصد کے برابر ہے۔

پراسیکیوٹرز کا کہنا تھا کہ فروری 2019 کے بعد 3 سال کے عرصے میں تھرونگ مے لین نے اپنے ڈرائیور کے ذریعے 4 ارب ڈالرز سے زائد نقد رقم بینک سے حاصل کرکے اپنے تہہ خانے میں جمع کی۔

تھرونگ مے لین کو اکتوبر 2022 میں گرفتار کیا گیا تھا۔

عدالت کی جانب سے سنائی جانے والی سزائے موت کے خلاف اپیل کے لیے تھرونگ مے لین کے پاس 15 دن ہیں۔

ویتنامی میڈیا کے مطابق تھرونگ مے لین نے گزشتہ ہفتے عدالت میں اپنے آخری بیان میں الزامات کی تردید کرتے ہوئے کہا تھا کہ وہ خودکشی کے بارے میں سوچنے لگی ہیں۔

انہوں نے کہا کہ ‘میں موت کے بارے میں سوچ رہی ہوں، مجھے غصہ ہے کہ بینکنگ سیکٹر کے بارے میں بہت کم معلومات ہونے کے باوجود میں نے اس کا حصہ بننے کی حماقت کیوں کی’۔

یوں تو دشمنی پر مبنی دلخراش قصے بہت شہرت پاتے ہیں لیکن اٹلی کے ایک محلے کا 50 کی دہائی کی دشمنی کا ایک ایسا دلچسپ واقعہ مشہور ہے جسے جان کر سب حیران رہ جاتے ہیں۔

غیر ملکی میڈیا کی رپورٹس کے مطابق مذکورہ اطالوی محلے میں دشمنی میں بنایا گیا مکان سیاحوں کی توجہ کا مرکز بن گیا ہے۔

یہ مکان دراصل 50 کی دہائی میں 2 پڑوسیوں کے درمیان ہونے والے جھگڑے کے نتیجے میں تعمیر کروایا گیا تھا، جس کا مقصد ہمسائے کی کھڑکی سے نظر آنے والے نظارے کو بلاک کرنا تھا۔

یہ مکان اٹلی کے جزیرے سسلی کے ایک قصبے میں واقع ہے، اسے ’دنیا کا تنگ ترین گھر‘ ہونے کا اعزاز حاصل ہے، جو صرف 3 فٹ چوڑا ہے اور اس میں بامشکل بیک وقت 2 افراد کی جگہ ہے۔

اس گھر کو ’کاسا ڈو کریوو‘ (Casa du Currivu) کا نام دیا گیا ہے، کاسا ڈو کریوو اطالوی زبان کا لفظ ہے جس کے معنی ’نفرت کا گھر‘ کے ہیں۔

ہوا کچھ یوں کہ 50 کی دہائی میں سسلی میں گھروں کی تعمیر کے حوالے سے ایک قانون نافذ کیا گیا، جس کے مطابق رہائشیوں کو رہنے کے لیے ان کے گھروں کے اوپر منزل کا اضافہ کرنے کی مشروط اجازت دی گئی۔

شرط کے مطابق کسی بھی رہائشی کو رہنے کے لیے اپنے گھر کی اوپری منزل بنانے کی اجازت اسی صورت میں حاصل ہو گی جب اس کا پڑوسی رضا مندی ظاہر کرے گا۔

اسی قانون کے تحت ایک شخص نے اپنے گھر کے اوپر منزل تعمیر کرنی چاہی تو اس کے پڑوسی نے یہ کہتے ہوئے اجازت نہیں دی کہ اسے کھڑکی سے پہاڑوں کا خوبصورت نظارہ ملتا ہے جو پڑوسی کے گھر کی اوپری منزل تعمیر ہونے کے بعد بلاک ہو جائے گا۔

مذکورہ شخص نے دشمنی میں آ کر اسی قانون پر عمل کرتے ہوئے سرخ اینٹوں سے صرف 3 فٹ چوڑا گھر تعمیر کر دیا جس میں رہنا ممکن نہیں تھا تاکہ ہمسائے کا نظاہرہ بلاک کیا جا سکے، جو اب سیاحوں کی توجہ کا مرکز بن گیا ہے۔

عرب میڈیا کی رپورٹ کے مطابق غزہ پر اسرائیل کی وحشیانہ بمباری میں 24 گھنٹوں کے دوران کم از کم 122 فلسطینی شہید ہوئے ہیں جن میں حماس کے رہنما اسماعیل ہانیہ کے تین بیٹے اور پوتے بھی شامل ہیں، جبکہ بمباری میں درجنوں افراد زخمی بھی ہوئے ہیں۔

سربراہ حماس اسماعیل ہانیہ نےقطری نیوز چینل سے گفتگو میں بیٹوں کی شہادت کی تصدیق کرتے ہوئے کہا کہ ان کے بیٹے حازم، عامر اور محمد شمالی غزہ میں واقع پناہ گزین کیمپ میں اپنے عزیز و اقارب سے عید مل رہے تھے جب انہیں نشانہ بنایا گیا۔

اسماعیل ہانیہ نے بتایا کہ تین بیٹوں کے ساتھ ان کے پوتے بھی بمباری کی زد میں آکر شہید ہوئے ہیں، تاہم انہوں نے اس عزم کا اظہار کیا کہ اہل خانہ کو نشانہ بنائے جانے کے باوجود فلسطینی لیڈر پیچھے نہیں ہٹیں گے۔

حماس رہنما نے کہا کہ غزہ میں اسرائیل نے تمام قوانین کو پامال کردیا ہے، یہاں نسل کشی کی جنگ ہورہی ہے اور بڑے پیمانے پر لوگ ہجرت پر مجبور ہوئے ہیں۔

واضح رہے کہ 7 اکتوبر کو غزہ میں جنگ کے آغاز سے اب تک 33 ہزار سے زائد فلسطینی شہید اور 76 ہزار سے زائد زخمی ہوچکے ہیں۔

عالمی خبر رساں ادارےکے مطابق غزہ میں چھ ماہ کی بمباری میں ملبے اور راکھ کا ڈھیر بننے والے غزہ میں فلسطینیوں نے جمع ہو کر نماز عید ادا کی اور اپنے پیاروں کی یاد میں آنسو بہانے کے ساتھ ساتھ دکھ درد کو بانٹا۔

مشرقی یروشلم میں واقع مسجد اقصیٰ میں نماز عید میں ہزاروں فلسطینیوں نے شرکت کی اور ان نمازیوں میں سے ایک اور نرسنگ کے شعبے سے وابستہ روان ابد نے کہا کہ یہ اب تک کی سب سے مایوس کن عید ہے، آپ لوگوں کے چہرے پر مایوسی دیکھ سکتے ہیں۔

انہوں نے کہا کہ ہم عموماً مسجد اقصیٰ عید کی خوشی منانے آتے ہیں لیکن آج ہم بس ایک دوسرے کو دلاسہ دینے اور سپورٹ کرنے کے لیے آئے ہیں۔

فلسطینی وزارت صحت کے مطابق وسطی غزہ کے نصیرہ کیمپ میں ایک گھر پر اسرائیلی فوج کی بمباری سے بچوں سمیت 14 افراد شہید ہو گئے۔

اسرائیلی وزیر اعظم بینجمن نیتن یاہو نے کہا ہے کہ ہماری مہم جوئی میں کوئی کمی نہیں آئے گی اور ہم حماس کی تباہی اور یرغمالیوں کی وطن واپسی تک کارروائیاں جاری رکھیں گے۔

جنگی جنون میں مبتلا نیتن یاہو نے ایک مرتبہ پھر 10 لاکھ سے زائد پناہ گزینوں سے بھرے رفح میں کارروائی کا عندیہ دیتے ہوئے کہا کہ دنیا کی کوئی بھی طاقت اسرائیلی فوجی دستوں کو رفح میں داخل ہونے سے نہیں روک سکتی۔

نیتن یاہو کا یہ بیانیہ ایک ایسے موقع پر سامنے آیا ہے جب امریکی صدر جو بائیڈن اسرائیل کی جنگی حکمت عملی کو بڑی غلطی قرار دے چکے ہیں۔

منگل کی رات ہسپانوی ٹی وی پر نشر ہونے والے انٹرویو میں جو بائیڈن نے کہا کہ میرے خیال میں وہ بڑی غلطی کررہے ہیں، میں اس سوچ اور حکمت عملی سے اتفاق نہیں کرتا۔

انہوں نے نیتن یاہو سے چھ سے آٹھ ہفتوں کے لیے مکمل سیز فائر اور ادویہ و خوراک سمیت امداد کی فراہمی کے لیے راہیں فراہم کرنے کا مطالبہ کیا تاکہ قحط کی صورتحال سے درپیش خطے کو فوری انسانی بنیادوں پر مدد پہنچائی جا سکے۔

انسانی حقوق کے گروپوں اور تنظیموں نے اسرائیل پر بھوک اور قحط سالی کو جنگ میں بطور ہتھیار استعمال کرنے کا الزام عائد کیا ہے کیونکہ اسرائیلی فوج کے محاصرے کی وجہ سے غزہ میں امداد اور ادویہ پہنچنے کے تمام راستے بند ہو چکے ہیں جس کی وجہ سے وہاں لوگ بھوک کی شدت سے نڈھال ہو کر دم توڑ رہے ہیں جبکہ نومولود بچوں کو بھی غذائی قلت کا سامنا ہے۔

نیتن یاہو کی دھمکیوں اور بائیڈن کے مطالبات کے ساتھ دوسری جانب مصر کے دارالحکومت قاہرہ میں قطر، مصر اور امریکا کی ثالثی میں حماس اور اسرائیل کے درمیان جنگ بندی کے لیے مذاکرات جاری ہیں جس میں جنگ کے ساتھ ساتھ قیدیوں کی رہائی کے لیے بات چیت بھی گفتگو کا محور ہے۔

حماس نے کہا ہے کہ ہم جنگ بندی کے نئے مسودے کا جائزہ لے رہے ہیں جہاں اس تجویز کے مطابق چھ سے 8 ہفتوں تک جنگ بندی رہے گی اور 40 اسرائیلی یرغمالیوں کے بدلے سینکڑوں فلسطینی باشندے رہا کیے جائیں گے۔

حماس نے جنگ بندی کے لیے اسرائیلی فوج کے مکمل انخلا اور مستقل سیز فائر کا مطالبہ کیا ہے لیکن اسرائیل نے اس تجویز کو مسترد کردیا ہے۔

واضح رہے کہ 7 اکتوبر کو حماس نے زمین، فضا اور سمندر سے اسرائیل میں کارروائی کی تھی جس کے نتیجے میں کم از کم 1160 اسرائیلی باشندے مارے گئے تھے۔

اس کے جواب میں اسی دن سے اسرائیل نے فلسطین میں بمباری اور جارحیت کا سلسلہ شروع کیا تھا جو 6 ماہ سے زائد کا عرصہ گزرنے کے باوجود اب تک جاری ہے اور جس کے نتیجے میں اب تک کم از کم 33 ہزار 360 فلسطینی شہید ہو چکے ہیں جن میں سے اکثریت خواتین اور بچوں کی ہے۔

امریکی میڈیا کو انٹرویو دیتے ہوئے جو بائیڈن کا کہنا تھا غزہ کے معاملے میں اسرائیلی وزیراعظم کے طریقہ کار سے متفق نہیں ہوں، غزہ کے معاملے میں نیتن یاہو غلطی کر رہے ہیں۔

جو بائیڈن کا کہنا تھا غزہ میں خوراک اور ادویات کی مکمل رسائی ہونی چاہیے، امدادی تنظیم کی گاڑیوں پر حملہ اشتعال انگیزی ہے۔

امریکی صدر کا کہنا تھا اسرائیلیوں سےکہوں گا کہ اسرائیلی صرف جنگ بندی کا مطالبہ کریں، اگلے چھ آٹھ ہفتوں تک تمام خوراک اور ادویات تک مکمل رسائی کی اجازت دیں۔

یاد رہے کہ اسرائیلی وزیراعظم نیتن یاہو کا کہنا ہے عالمی دباؤ کی کوئی اہمیت نہیں، ہم نے رفح آپریشن کی تاریخ طے کر لی ہے، رفح آپریشن ہو کر رہے گا۔

7 اکتوبر سے جاری اسرائیلی بربریت میں اب تک 34 ہزار سے زائد فلسطینی شہید اور 80 ہزار کے قریب زخمی ہو چکے ہیں۔

بھارتی میڈیا کے مطابق بھارت کے شہر لکھنؤ اور دہلی میں چاند نظر نہیں آیا جس کے بعد مقامی کمیٹیوں نے کل 30 ویں روزے کا اعلان کیا۔

بھارتی میڈیا نے بتایاکہ بھارت میں عید 11 اپریل جمعرات کو ہوگی۔

بھارتی ریاست کیرالہ کی کیرالہ کی رویت ہلال کمیٹی نے ریاست میں کل عید الفطر کا اعلان کردیا ہے۔

کمیٹی چیئرمین محمد مدنی کا کہنا تھاکہ شوال کا چاند نظر آگیا ہے اور کیرالہ میں کل عید الفطر منائی جائے گی۔

دوسری جانب متنازع علاقے کارگل کی مقامی کمیٹی نے اعلان کیا کہ چاندنظر آگیا ہے اور کل 10 اپریل کو عید منائی جائے گی۔

اُدھر پاکستان میں رویت ہلال کمیٹی کا اجلاس جاری ہے اورکمیٹی کو کئی شہادتیں موصول ہوئی ہیں۔